बर्दिबास /राजन थापा
स्वास्थ्य सेवा केवल रोगको उपचारमा सीमित हुँदैन, यसले बिरामीको मनमा आशा, विश्वास र आत्मविश्वास पनि जगाउँछ। यही मान्यता बोकेर वर्षौंदेखि सेवामा समर्पित रहँदै आएका ॐ समाज डेण्टल अस्पतालका वरिष्ठ मुख तथा जबडा शल्य चिकित्सक डा. सुवास घिमिरे अब बर्दिबासमा सेवा दिन आउने भएका छन्।
असार ६ र ७ गते ॐ समाज डेन्टल हस्पिटल, बर्दिबासमा आयोजना हुने विशेष परामर्श कार्यक्रममा दाँत, गिजा तथा मुखसम्बन्धी विभिन्न समस्याबाट पीडित बिरामीहरूले प्रत्यक्ष रूपमा विशेषज्ञ सेवा प्राप्त गर्न सक्नेछन्। गुणस्तरीय स्वास्थ्य सेवा सबैको पहुँचमा पुर्याउने उद्देश्यले आयोजित यस कार्यक्रमले स्थानीयवासीमा उत्साह थपेको छ।
हजारौं बिरामीका लागि चिकित्सक मात्र नभई भरोसाका प्रतीक बनेका डा. घिमिरे आफ्नो आत्मीय व्यवहार, संवेदनशीलता र सेवाभावका कारण परिचित छन्। बिरामीका समस्या धैर्यपूर्वक सुन्ने, उपचार प्रक्रियाबारे सरल भाषामा जानकारी दिने तथा परिवारको सदस्यसरह व्यवहार गर्ने उहाँको शैलीले धेरैको मन जितेको छ। बिरामीहरूका अनुसार उहाँले औषधि मात्र होइन, आत्मविश्वास पनि दिनुहुन्छ।
गुणस्तरीय उपचार, आधुनिक प्रविधि र विश्वासिलो सेवाका कारण देशका विभिन्न क्षेत्रसँगै विदेशमा बसोबास गर्ने नेपाली तथा विदेशी नागरिकहरू समेत उपचारका लागि ॐ समाज डेण्टल अस्पताल पुग्ने गरेका छन्। उपचारपछि सन्तुष्ट भएका धेरै बिरामीहरूले अरूलाई समेत उहाँको सेवा लिन सिफारिस गर्ने गरेका छन्।
“सेवा सबैसम्म समान रूपमा पुग्नुपर्छ” भन्ने सोचका साथ डा. घिमिरे अस्पतालका विभिन्न शाखाहरूमा पुगेर सेवाको गुणस्तर, बिरामीको सन्तुष्टि तथा स्वास्थ्यकर्मीहरूको कार्यसम्पादनबारे प्रत्यक्ष जानकारी लिने गर्नुहुन्छ। उहाँको यही समर्पणले अस्पतालका हरेक शाखामा गुणस्तरीय र समान स्तरको सेवा प्रवाह गर्न महत्वपूर्ण योगदान पुर्याएको छ।
बिरामीको पीडालाई आफ्नै पीडा सम्झेर सेवा गर्ने डा. घिमिरेको मानवीय व्यवहार, समर्पण र सेवाभावले उहाँलाई स्वास्थ्य क्षेत्रको प्रेरणादायी व्यक्तित्वका रूपमा स्थापित गरेको छ। त्यसैले आज धेरै बिरामीका लागि उहाँ चिकित्सक मात्र होइनन्, आशा, विश्वास र आत्मीयताको अर्को नाम बनेका छन्।
“स्वस्थ मुस्कान, स्वस्थ जीवन” भन्ने विश्वासका साथ ॐ समाज डेन्टल हस्पिटलले निरन्तर गुणस्तरीय सेवा प्रदान गर्दै आएको छ भने डा. सुवास घिमिरेको बर्दिबास आगमनले स्थानीय बिरामीहरूलाई विशेषज्ञ उपचारको थप अवसर र नयाँ भरोसा प्रदान गर्ने अपेक्षा गरिएको छ।
