२०८३ असार १३ गते शनिबार, यस संस्था अन्तर्गत शिक्षा तथा प्रकाशन उपसमितिको आयोजनामा बनेपा–०६, बुडोलस्थित चेतना केन्द्रको सभा हलमा एस.ई.ई. सम्मान कार्यक्रम २०८३ सम्पन्न भएको छ ।
कार्यक्रममा एस.ई.ई परीक्षा २०८२ मा सामेल भई उत्तीर्ण हुने संस्थामा आबद्ध १९८ जना कोपिला बालबचतकर्ता भाईबहिनीहरुलाई बधाई तथा शुभकामना पत्र र स्कूल÷कलेज ब्याग मायाको चिनो सहित सम्मान गरिएको थियो । सहभागी विद्यार्थीहरुमध्ये संस्थागत विद्यालय तर्फ सर्वोत्कृष्ट जि.पि.ए. हासिल गर्ने छात्रातर्फ इशिका के.सी. र छात्रतर्फ कृतिक दाहाल र आदित्य सापकोटा र सामुदायिक विद्यालय तर्फ सर्वोत्कृष्ट जि.पि.ए. हासिल गर्ने छात्रातर्फ श्रीया खत्री र छात्रतर्फ सचिन गिरीलाई नगद रु.५ हजार र सम्मान पत्र समेत प्रदान गरिएको थियो ।
संस्थाका शिक्षा तथा प्रकाशन उपसमितिका संयोजक गायत्री खड्काको सभापतित्व र प्राध्यापक तथा शिक्षाविद् भोलाबहादुर के.सी.को प्रमुख आतिथ्यतामा सम्पन्न उक्त कार्यक्रमको सञ्चालन शिक्षा तथा प्रकाशन उपसमिति सदस्य तारानाथ बजगाईले गर्नुभएको थियो ।
शिक्षा तथा प्रकाशन उपसमिति संयोजक गायत्री खड्काले स्वागत मन्तव्य राख्नुभएको कार्यक्रममा संस्थाका अध्यक्ष कैलाश के.सी.ले संस्थाको जानकारी सहित शुभकामना मन्तव्य र प्राध्यापक तथा शिक्षाविद् भोलाबहादुर के.सी.ले शिक्षाको महत्वसहित शुभकामना मन्तव्य राख्नुभएको थियो ।
